FLASH
Shkruar nga Pamfleti
Banorët e lagjes numër 3 në Korçë kanë dalë në protestë ditën e sotme, pasi bashkia i ka lënë në mëshirë të fatit.
Mungesa e investimeve në infrastrukturën rrugore dhe mungesa e kanalizimeve të ujërave të zeza janë disa nga problemet që banorët shtrojnë.
Të indinjuar nga mungesa e vëmendjes banorët thonë se kanë marrë veçse premtime boshe në kohë fushatash dhe asnjëherë nuk është konkretizuar asgjë.
Edhe pse është lagje e qytetit të Korçës banorët thonë se nuk është investuar as në kanalizimin e ujërave të zeza duke jetuar si në mesjetë me gropa septike.
Ata thonë se kanë mbi 20 vite me këtë problem që mbetet ende i pazgjidhur. Banorët kanë paralajmëruar bojkot të zgjedhjeve nëse bashkia nuk investon në lagjen e tyre.
Lini një Përgjigje