FLASH
Shkruar nga Pamfleti
Protestuesit kanë vijuar edhe këtë mbrëmje me mesazhet simbolike gjatë tubimit para Kryeministrisë. Krahas posterave të vendosur më herët me figurat e kryeministrit Edi Rama, ministrit Taulant Balla dhe deputetes Zegjine Çaushi, në "murin e të kërkuarve" janë shfaqur edhe postera me kryetarin e Partisë Demokratike, Sali Berisha, sekretarin e përgjithshëm të PD-së, Flamur Noka, si dhe deputeten socialiste Sara Mila.
Posterat, të stilizuar në formatin "Wanted", janë përdorur nga protestuesit si formë simbolike e shprehjes së pakënaqësisë ndaj figurave politike, pa dallim mazhorancë apo opozitë.
Një poster i veçantë i kushtohej deputetes Sara Mila, ku ajo ironizohej me mbishkrimin: "Përfaqësuese e të burgosurve në Parlament".
Vendosja e posterave është shoqëruar me brohoritje dhe duartrokitje nga pjesëmarrësit në protestë, e cila po zhvillohet për të 26-ën ditë radhazi para godinës së Kryeministrisë.
Kto janë forma të gjykimit popullor , me fletë rrufe e linçime demonstrative të njohura… shprehje e hapur e dhunës që kjo protestë përfaqson; gjuha rreshtën nuk është po rreshna thyen…askush nuk ka të drejtë të flasë në emër të popullit pa vota dhe të drejtsisë pa ligje fakte e institucione