Aktualitet24 Maj 2024, 08:56

Kreshnik Spahiu bën parashikimin: Pas publikimit të përgjimeve, rivalët e grupeve kriminale do nisin vrasjet në seri

Shkruar nga Pamfleti

Kreshnik Spahiu bën parashikimin: Pas publikimit të përgjimeve,

Analisti Kreshnik Spahiu ka folur lidhur me megaoperacionin e SPAK dhe përgjimet e publikuara mes bandave kriminale.

Ai ka treguar anën negative të publikimit të përgjimeve mes grupeve kriminale.

Sipas tij, së shpejti do fillojnë vrasjet në seri për hakmarrje, teksa shton se “ushtarët e kapove do vihen në lëvizje dhe do porosisin ekzekutimin e rivalëve të tyre”.

“Negativja është që duke publikuar të gjitha bisedat e të gjithë elementëve të bandave, pritet që së shpejti të fillojnë vrasjet në seri, hakmarrjet. Sepse të gjitha bisedat të cilat këta nuk i dinin për njëri-tjetrin, të cilat i supozonin se kë mund të kenë armik, kush mund të ketë paguar, kush mund të jetë aleat me këta,  kush është armiku, tashmë janë të zbardhura. Të gjithë ushtarët e këtyre kapove do vihen në lëvizje, ata që janë në Dubai apo janë në burg dhe nuk janë të vrarë do përpiqen të financojnë dhe të japin porosi për të filluar ekzekutimet”, tha Spahiu për “TCH”.