Aktualitet22 Shkurt 2024, 21:25

Ligji për amnistinë/ “Tërheqja, komprometuese për qeverinë”, Lubonja: Ja arsyeja e vërtetë e largimit të mazhorancës

Shkruar nga Pamfleti

Ligji për amnistinë/ “Tërheqja, komprometuese për

Analisti Fatos Lubonja i ftuar në studion e emisionit “Open” në News24 ka folur ne lidhje me debatet rreth amnistisë penale, duke thënë se tërheqja nga ky ligj është disi e ngatërruar dhe komprometuese për qeverinë.

Sipas tij nëse mazhoranca socialiste do të arrinte të kalonte ligjin për amnistinë me 84 vota, pa e marrë ata përgjegjësinë e plotë, nuk do e kishin problem.

Ai theksoi se është pikërisht fakti që nuk arritën të mbledhin 84 votat arsyeja se përse socialistët u tërhoqën, dhe jo justifikimi i traditës së konsensusit.

Kërcet pak se përndryshe mund të ishte edhe normale, dikush bën edhe korrupsion, mund të falet, por në këtë kontekst është pak e ngatërruar dhe komprometuese për qeverinë. Ky është një sinjal që u jepet këtyre bedelëve të përdorur. Nuk më duket diçka që bën çudi pasi në fund të fundit, të mos dënosh ata që i ke pasur bashkë shokë në korrupsion dje, është pjesë e lojës këtu te ne.

Nuk është problemi se këtu kemi një qeveri të angazhuar për të luftuar korrupsionin dhe vërtetë mund të jetë e ashpër, por për mendimin tim aty kërcet korrupsioni nga mëngjesi në darkë. Nëse do ta kalonin me 84 vota, pa e marrë ata përgjegjësinë nuk do e kishin problem. Fakti që nuk i bëjnë dot 84 vota është arsyeja pse janë tërhequr. Jo siç thotë Çuçi që është tradita e konsensusit, ata kanë bërë ligjin elektoral që duhet me konsensus pa opozitën”, u shpreh ai.