FLASH
Shkruar nga Pamfleti
Një bos u drogës, që drejtonte një rrjet ‘fermash kanabisi’ në të gjithë Mbretërinë e Bashkuar, duke fituar miliona paund, ndërsa hiqej si një zhvillues pronash është burgosur.
Për bosin e drogës punonin shqiptarë e vietnamezë, që mbërrinin në ishull si emigrantë të paligjshëm dhe detyroheshin të kujdeseshin për bosin e drogës, në mënyrë që të shlyenin pagesat ndaj trafikantëve që i kishin siguruar udhëtimin drejt Mbretërisë së Bashkuar.
Roman Le, 38 vjeç, qarkullonte me një Bentley Continental me vlerë 225,000 paund, midis 8 “fermave” që ai mbikëqyrte në Midlands, veriperëndim dhe Lincolnshire veri.
Ai do të instalonte skela rreth ndërtesave për ta bërë të dukej sikur godina ishte kthyer në një kantier ndërtimi që po restaurohej.
Por pas fasadës, punëtorët e tij punonin brenda pronave duke prodhuar kanabis me vlerë miliona paund.
Përveç tetë fermave, Le kontrollonte edhe një strukturë magazinimi ku ishin vendosur si pajisjet ashtu edhe kanabisi i korrur.
Ai ngriti fabrika kanabisi në të gjithë Midlands, North Ëest dhe Lincolnshire veriore, duke përfshirë një klub nate të braktisur në Coventry, një ish-shtëpi publike në Birmingham dhe një hotel të vjetër në Lancashire.
Hetuesit e Agjencisë Kombëtare të Krimit e vunë bandën nën mbikëqyrje, duke parë Le-në teksa parkonte Bentley-n e tij jashtë ish-klubit të natës Big Bamboo në Coventry përpara se të hynte brenda.
Kur vendi u bastis më vonë, policia gjeti 1,500 bimë kanabisi me vlerë më shumë se 1 milion paund të shpërndara në tre kate.
Oficerët gjetën qindra bimë në hotelin e braktisur Ëellington në Clayton-le-Moors.
Në një rast tjetër, ata panë menaxherin e operacioneve të bandës, Yihao Feng, 29 vjeç, duke u larguar me makinën e tij sportive Maserati pasi kishte vizituar Hotelin Old Ëellington në Clayton-le-Moors, i cili më vonë u zbulua se kishte më shumë se 300 bimë që rriteshin brenda.
Shumë nga fermat ishin të punësuar nga migrantë të paligjshëm vietnamezë ose shqiptarë. Kur banda u arrestua, Feng u deklarua fajtor për komplot për të prodhuar kanabis. Një bashkëpunëtor tjetër, David Qayumi, 36 vjeç, i cili u paraqit si biznesmen për të ndihmuar Le-në të merrte me qira ose të blinte pronat, gjithashtu pranoi përfshirjen e tij.
Por Le e mohoi akuzën, duke pretenduar se ishte një biznesmen i ligjshëm që nuk kishte dijeni se pronat po përdoreshin për kanabis. Pas një gjyqi tetë-ditor në Gjykatën e Kurorës së Birminghamit, ai u dënua për komplot për të prodhuar kanabis.
Më 4 korrik, Feng dhe Qayumi u dënuan me burgim në total prej 6.6 vitesh. Dhe Le është dënuar me gjashtë vjet e dy muaj burg në të njëjtën gjykatë.
Lini një Përgjigje