FLASH
Shkruar nga Pamfleti
Masivi pyjor në Lurë të Dibrës është përfshirë nga flakët, ndërsa situata paraqitet alarmante. Sipas raportimeve, zjarri ka marrë përmasa të mëdha, duke u përhapur me shpejtësi në një sipërfaqe të konsiderueshme të pyllit.
Përballë këtij shpërthimi zjarri, ndërhyrja e zjarrfikësve është bërë mjaft e vështirë, për shkak të terrenit të thepisur dhe të thyer që karakterizon zonën.
Zjarri ka rënë pranë Liqenit të Luleve, ndërsa pritet ndërhyrje nga ajri me helikopter për shuarjen e flakëve.
Aksesi i mjeteve zjarrfikëse në vatrat e zjarrit është i kufizuar, duke e bërë më të komplikuar përpjekjen për ta vendosur situatën nën kontroll.
Lini një Përgjigje