FLASH
Shkruar nga PamfletiShembja e gurëve ka ndodhur në zonën e quajtur Dragostunjë dhe si pasojë rruga është mbyllur në të dyja drejtimet, duke shkaktuar trafik kilometrik prej 10 kilometrash në të dyja anët.
Aksi Librazhd-Qafë Thanë vazhdon të qëndrojë i bllokuar prej orës 11 të paradites pas rrëshqitjes së dherave dhe gurëve që ndaluan tërësisht qarkullimin e automjeteve.
Pas situatës së rënduar në këtë rrugë, ka nisur ndërhyrja e fadromave për të zhbllokuar qarkullimin. Në pamjet e publikuara, fadromat shfaqen duke hedhur gurët dhe dherat në anë të rrugës dhe në lumin krah saj.
Shembja e gurëve ka ndodhur në zonën e quajtur Dragostunjë dhe si pasojë rruga është mbyllur në të dyja drejtimet, duke shkaktuar trafik kilometrik prej 10 kilometrash në të dyja anët.
Policia Rrugore e Elbasanit apelon për të gjithë që duan të udhëtojnë në drejtim të Korçës dhe anasjelltas të shmangin lëvizjen deri në një njoftim të dytë për hapjen e rrugës.
“Shërbimet e Policisë Rrugore ndodhen në këtë zonë dhe po bashkëpunojnë me firmën kontraktore të mirëmbajtjes së rrugëve për pastrimin në një kohë sa më të shpejtë të aksit rrugor me qëllim fillimin e lëvizjes së automjeteve”, njoftoi policia.
Banorët e zonës kritikojnë neglizhencën e kompanisë që mirëmban aksin dhe paralajmërojnë se situata mund të vazhdojë për shumë orë.
Për situatën, ka reaguar edhe deputetja e Partisë Demokratike për qarkun e Korçës, Ledina Alolli.
Me anë të një postimit në Facebook, ku ka publikuar edhe pamjet, Alolli thotë se një nga arteriet më jetike të Juglindjes është paralizuar nga papërgjegjshmëria dhe korrupsioni.
“Miliona euro beton, zero siguri, zero përgjegjësi”, shkruan deputetja demokrate./ Pamfleti
Lini një Përgjigje