FLASH
Shkruar nga Pamfleti
Eksperti i kriminalistikës, Ervin Karamuço duke folur për çështjen e kryebashkiakut të Tiranës, u shpreh se dosja në ngarkim të Erion Veliajt do jetë një sagë e gjatë.
Ai theksoi se vetë kryebashkiaku i Tiranës, nuk do pranojë gjykim të shkurtuar dhe kjo sigurisht do të marrë kohën e nevojshme.
“Ke përpara 9 episode të dyshuara penale. Gjithë energjia e madhe e hetimet fokusohet te veprat e rënda. Po u provuan ato, këto tjerat janë të parëndësishme.
Do shikoni një mori dëshmitarësh, që do paraqiten në seanca. Kam përshtypjen se nuk do pranohet gjykimi i shkurtuar për gjendjen ku ndodhen aktet nga ana e Veliajt. Pra do ketë një sagë e gjatë e këtij procesi.
Gjatë rrugës mund të ndodhë, që të ngrihen akuza të tjera dhe kjo mund të jetë akoma më e rëndë. Po flasim për proces tjetër”, tha ai në një intervistë për “Real Story” në “Abcnews”.
Lini një Përgjigje