FLASH
Shkruar nga Pamfleti
Një tjetër konflikt ka ndodhur pranë qendrës së votimit në Pogradec.
Një tjetër konflikt ka ndodhur pranë qendrës së votimit në shkollën “Muhamer dhe Esat Minarolli” në qytetin e Pogradecit.
Mësohet se në ambientet e jashtme të kësaj qendre është shënuar një përplasje fizike, ndërsa ende nuk dihen shkaqet dhe personat e përfshirë. Në vendngjarje kanë mbërritur forcat e policisë.
Ndërkohë, paraditen e sotme një incident u regjistrua në po të njëjtën qendrër votimi, pranë shkollës “Esat Minarolli”.
Sherri ndodhi te qendra 3901, ku simpatizanti i Partisë Demokratike, Luan Tollozhina ka goditur me grushta një komisioner në Qendrën e Votimit, Entin Gega, i cili përket Partisë Socialiste. Raportohet se rasti nuk ka pasur të bëjë me zgjedhjet elektorale, por Tollozhina ka pretenduar se Entin Gega i ka ngacmuar të bijën.
"Rreth orës 10:20, shtetasi E. G., që është komisioner në qendrën e votimit nr.3901/00 Pogradec, ka njoftuar tek salla operative, se brenda ambienteve të qendrës së votimit është goditur nga shtetasi L. T.,
Menjëherë është shkuar në afërsi të qendrës së votimit, dhe është bërë shoqërimi i shtetasit L. T., për në ambientet Komisariatit.
Në Komisariat është paraqitur dhe shtetasi E. G., për të bërë kallëzim.
Grupi hetimor po punon për zbardhjen e rrethanave dhe dokumentimin ligjor të rastit", njoftoi policia.
Lini një Përgjigje