FLASH
Shkruar nga Pamfleti
Vrasja e pronarit grek dhe ndihmësit shqiptar në një kamping në Finikounda që ndodhi mbrëmjen e 5 tetorit, mund të marrë një tjetër rrjedhë, sa i takon hetimeve.
Kjo për shkak se një i ri, 22 vjeçar, sipas mediave greke, është paraqitur në polici ku është dorëzuar dhe ka deklaruar se do të bashkëpunojë për të treguar ekzekutorin. Fillimisht u raportua se i riu ishte i afërm me pronarin 68-vjeçar grek të kampingut, por më pas rezultoi se ai është një nga dy personat që dyshohet se ka marrë pjesë në vrasje.
I riu i vetëdorëzuar, sipas mediave greke, shfaqet në videot që posejdon policia, se po udhëtonte me motoçikletën e autorit të krimit dhe, siç i tha ai policisë, do të zbulojë autorin.
I riu dyshohet gjithashtu se i tha policisë se viktima (pronari i kampingut) e kishte abuzuar seksualisht në verën e vitit 2022.
Kujtojmë se autori i vrasjes së dyfishtë në kampingun e Finikounda është ende në arrati. Megjithëse autoritetet kanë hartuar rrugën e tij të arratisjes me motoçikletë përmes dhjetëra pikave përgjatë rrugës së tij nga Mesinia në Athinë, ai mbetet i zhdukur, pasi deri më tani nuk është gjetur.
Megjithatë, policia ka qenë duke shqyrtuar prej ditësh mundësinë që autori të ketë pasur një bashkëpunëtor.
Si ndodhi vrasja e dyfishtë në kamping?
Vrasja ndodhi mbrëmjen e 5 tetorit në një kamping në Finikounda, kur autori, pasi kishte mbuluar fytyrën, hyri me forcë në recepsionin ku ndodhej pronari 68-vjeçar me kujdestarin e tij 60-vjeçar dhe mikun e tij të vjetër. Personi i armatosur qëlloi me gjakftohtësi pronarin, duke e plagosur për vdekje, dhe më pas vrau mikun e tij shqiptar, i cili u përpoq të arratisej. Në vrasjen e dyfishtë ishte i pranishëm edhe nipi i pronarit, i cili arriti të arratisej.
Lini një Përgjigje