FLASH
Shkruar nga Pamfleti
Në mëngjes, policia dhe ekipet e shpëtimit u mobilizuan për një operacion të madh në ndërtesën e një kompanie në Mellrichstadt të Gjermanisë.
Punonjësit e kompanisë Uberlandwerke Rhon u sulmuan me thikë, ndërsa një i dyshuar u arrestua.
Policia konfirmoi se një prej të sulmuarve vdiq në vendngjarje. Sipas Bild, i ndjeri kishte marrë plagë të shumta me thikë në pjesën e sipërme të trupit, përfshirë qafën.
Sipas informacioneve fillestare, një 21-vjeçar sulmoi me thikë tre punonjës të kompanisë.
I dyshuari, një shtetas gjerman 21-vjeçar, është arrestuar, tha një zëdhënës i policisë. Ende nuk është e qartë se cila është lidhja e tij me kompaninë, as cili mund të jetë motivi i sulmit.
"Kujdesi për të plagosurit është një përparësi absolute, ashtu si edhe sqarimi i rrethanave të sakta të sulmit", vazhdoi zëdhënësi i policisë. Nuk kishte asnjë rrezik për popullsinë në asnjë moment.
Mellrichstadt ndodhet në rrethin Rhon-Grabfeld (Bavaria), në kufirin me Turinginë. Uberlandwerk Rhon GmbH është një ofrues energjie që furnizon rajonin e Rhon me energji elektrike dhe shërbime të tjera energjetike. Sipas vetë kompanisë, ajo punëson 220 persona, nga të cilët 20 janë praktikantë.
Lini një Përgjigje