FLASH
Shkruar nga Pamfleti
Disa përdorues kanë hasur probleme me WhatsApp Web mëngjesin e së premtes, 27 shkurt, duke raportuar vështirësi kryesisht gjatë procesit të identifikimit dhe sinkronizimit të bisedave me pajisjet e tyre.
Sipas platformës Downdetector, e cila monitoron ndërprerjet e shërbimeve online, numri i raportimeve për probleme u rrit ndjeshëm rreth orës 09:00.
Paralelisht, shumë përdorues iu drejtuan rrjetit social X për të ndarë përvojat e tyre dhe për të sinjalizuar vështirësi në lidhjen e WhatsApp Web.
Aplikacioni i mesazheve ka hasur edhe më parë probleme teknike. Në prill të vitit të kaluar, përdorues të shumtë raportuan pengesa në dërgimin e mesazheve.
Gjithashtu, më 28 shkurt të vitit të kaluar, platforma përjetoi një ndërprerje në shkallë globale, gjatë së cilës u regjistruan mbi 5 mijë raportime për mesazhe që nuk dërgoheshin.
Lini një Përgjigje