FLASH
Shkruar nga Pamfleti
Sipas një sondazhi të publikuar sot, shumica e britanikëve janë në favor të ribashkimit në tregun e përbashkët të Bashkimit Evropian, edhe nëse kjo nënkupton rikthimin e punëtorëve evropianë për të jetuar në vendin e tyre.
Kufizimi drastik i imigracionit ishte një nga arsyet kryesore pse britanikët votuan për t'u larguar nga Bashkimi Evropian në 2016. Sondazhet e muajve të fundit kanë treguar se shumica e njerëzve tani besojnë se Brexit ishte një gabim. Sondazhi i sotëm del në dritë një javë pasi shifrat zyrtare treguan se migrimi neto drejt Britanisë së Madhe theu të gjitha rekordet vitin e kaluar, më shumë se dyfishi i vitit 2015, një vit para referendumit të Brexit.
Sondazhi tregon se pothuajse 6 në 10 (57%) britanikë mbështesin bashkimin në tregun e vetëm. Vetëm një në pesë nuk bie dakord.
Mes votuesve që kishin mbështetur Brexit-in dhe tani thanë se do të votonin laburistët nëse zgjedhjet do të mbaheshin nesër, 53% thanë se ishin në favor të bashkimit në tregun e përbashkët dhe 31% kundër. Nga ata që votuan për Brexit dhe synojnë të votojnë konservatorët në zgjedhje, vetëm 29% favorizojnë një rikthim në tregun e përbashkët dhe 54% nuk janë dakord. Laburistët, të cilët kryesojnë sondazhet përpara zgjedhjeve të përgjithshme, kanë premtuar se do të përpiqen të përmirësojnë marrëdhëniet tregtare të Britanisë së Madhe me BE-në. Megjithatë, lideri i saj, Keir Starmer, ka thënë se nuk dëshiron një rikthim në tregun e vetëm.
Në përgjithësi, 72% e britanikëve duan që vendi i tyre të ketë lidhje më të ngushta me BE-në, dhe me kët bie dakord shumica e votuesve të Leave dhe Remain në referendumin e 2016-ës.
Sondazhi u krye midis një kampioni prej 2,138 personash, raportoi YouGov.
Lini një Përgjigje