FLASH
Shkruar nga Pamfleti
Meloni po shkel të gjitha rregullat e parlamentit, është buxheti më i keq i të gjitha kohërave!
Kryeministrja italiane Giorgia Meloni i qëndroi skenarit të Brukselit, e cila prezantoi një buxhet me ulje taksash, por nuk bëri asgjë për shqetësimin lidhur me infrastrukturën e shkatërruar.
Pas disa muajsh negociata, shumica e senatorëve italianë votuan pro miratimit të projektbuxhetit 2025 e cila do të respektojë rregullat e buxhetit të Bashkimit Europian, ndërkohë që të ardhurat nga tatim-fitimi do të arrinin në 30 miliardë euro.
Melonit i është dashur të përballojë premtimet e guximshme të shpenzimeve elektorale me borxhin kronik të Italisë dhe plakjen e popullsisë. Në fillim të këtij viti, grupi i fondeve të disponueshme u kufizua më tej pasi Italia u vendos në një program të posaçëm monitorimi nga BE-ja, duke i kërkuar asaj të ulte deficitin me 0.5 për qind çdo vit.
Por ndryshe nga Franca dhe Gjermania, ku mosmarrëveshjet buxhetore kanë çuar në mosmarrëveshje të ashpra politike dhe në rënien e qeverive të të dy vendeve, përçarjet në opozitë i dhanë akses Melonit të shtynte planet e saj përmes legjislativit.
Madje, kryeministrja e Italisë manovroi falë mbylljes së suksesshme të një stimulimi të kushtueshëm tatimor për pronarët e shtëpive, një rritje në marrjen e taksave dhe një trajtim më të favorshëm të Italisë nga tregjet financiare, të cilat tani po tarifohen më pak interes për borxhin sovran të Romës.
"Imagjinoni se çfarë do të kishte ndodhur nëse ajo që ndodhi në Gjermani do të ndodhte në Itali”, tha Nicola Calandrini, një senator me koalicionin qeverisës Vëllezërit e Italisë, në seancën përfundimtare në dhomën e lartë të Parlamentit italian.
“Në vend të kësaj, Italia është një vend i besueshëm, pavarësisht opozitës”, vijoi ai.
Por kritikët u ankuan se buxheti është një raund i ri i masave shtrënguese. Së bashku me rreth 11 miliardë euro në shkurtimet ministrore dhe komunale gjatë tre viteve të ardhshme, arsimi dhe kërkimi u lanë me shtesa të pakta dhe një rritje e pensioneve arrin në vetëm 1.90 euro në muaj, duke mos përmbushur premtimet e fushatës.
Më e rëndësishmja, rritja e shpenzimeve për kujdesin shëndetësor ishte shumë larg objektivave të rekomanduara nga mbikëqyrësit dhe organet ndërkombëtare. Në një podcast të përditshëm, gazetari italian Francesco Costa vuri në dukje mungesën e fondeve duke treguar rastin e vdekjes se një gruaje në Palermo, e cila u detyrua të priste tetë ditë për të marrë shërbimin në spital dhe askush nuk bëri asgjë.
Planifikimi i buxhetit u bë më i vështirë nga shtimi i probleme në sektorin e prodhimit dhe reagimi më i ngadaltë se sa pritej ndaj një amnistie të pjesshme tatimore që synonte të inkurajonte pagesën e taksave të prapambetura. Pjesa më e madhe e hapësirës fiskale ndërkohë, është kufizuar në fondet e BE-së të destinuara për programet e rimëkëmbjes pas pandemisë, të cilat janë disbursuar më ngadalë se sa pritej. Një shtytje për të goditur objektivat e shpenzimeve të mbrojtjes së NATO-s ngushtoi më tej fondet e disponueshme.
E megjithatë, disa argumentuan se qeveria sërish gjeti buxhet të mjaftueshëm të përmbushur prioritetet më pak urgjente - dhe më shumë politike.
Së bashku me shkurtimet e taksave dhe subvencionet e prindërve, një taksë e papritur e propozuar mbi bankat u zbut për të shmangur acarimin e krahut pro-biznes të koalicionit qeverisës. Vendosja e pretenduar e një takse më të madhe mbi fitimet e kriptomonedhave u ngadalësua dhe u vonua. Në fillim të këtij muaji, protestat pasuan pas shtimit misterioz (dhe tërheqjes po aq misterioze) të një norme që do të kishte rritur pagat e disa ministrave me 7,000 euro.
"Një tjetër problem që do të godasë familjet që jetojnë në vështirësi ekonomike në muajin janar, ku kostot do të rriten për më shumë se 3 milionë njerëz të, shumë mbi 75 vjeç dhe me aftësi të kufizuara”, tha kreu i Lëvizjes 5 Yjet, Giuseppe Conte në një postim në X.
“Por ju e dini, kostoja e lartë e jetesës së qytetarëve nuk është problem për këtë qeveri, e cila ka prioritet vështirësitë e ministrave të “varfër” që kërkojnë rritje rrogash”, vijoi ai.
"Ata po shkurtojnë shpenzimet për shërbimet sociale, kujdesin shëndetësor, shkollat dhe transportin publik, por po shpenzojnë 15 miliardë euro për urën mbi ngushticën e Mesinës dhe për investime në armë. Është buxheti më i keq i të gjitha kohërave", shtoi ligjvënësi i Aleancës së Gjelbër dhe të Majtë, Angelo Bonelli.
Të tjerë kundërshtuan projektligjin e kaluar me nxitim në Senat. Ligjvënësit e opozitës erdhën të pajisur me rreth 800 amendamente, por nuk iu dha pothuajse asnjë kohë për t'i diskutuar ato.
"Meloni po shkel të gjitha rregullat e parlamentit ... ju vendosni partinë para vendit", tha të shtunën në një fjalim senatori Matteo Renzi, kreu i partisë Italia Viva të qendrës së majtë dhe një ish-kryeministër italian./Përshtati "Pamfleti" nga "Politico".
Lini një Përgjigje