FLASH
Shkruar nga Pamfleti
Irani ka kërcënuar Shtetet e Bashkuara me pasoja të rënda në rast të një përfshirjeje ushtarake në territorin e tij, duke paralajmëruar një skenar të ngjashëm me luftën e Vietnamit.
Deklarata është bërë nga zv/ministri i Jashtëm, Saeed Khatibzadeh, i cili nga Teherani theksoi se vendi i tij është i gatshëm të vazhdojë konfliktin për një periudhë të gjatë dhe nuk është i fokusuar në këtë moment te zgjidhjet diplomatike.
“Thjesht lexoni për atë që ndodhi në Vietnam. Ushtarët amerikanë mund të përballen me një fat të ngjashëm edhe këtu në Iran”, u shpreh ai, duke nënvizuar se një ndërhyrje e SHBA-së mund të sjellë pasoja të paparashikueshme.
Deklaratat vijnë në një klimë të tensionuar, pas dy javësh përplasjeje që, sipas raportimeve, kanë shkaktuar rreth 1,500 viktima në Iran dhe zhvendosjen e miliona civilëve.
Ndërkohë, situata mbetet e paqartë edhe sa i përket raportimeve nga Izraeli për vrasjen e një zyrtari të lartë iranian, Ali Larijani, gjatë një sulmi në Teheran. Ky zhvillim nuk është konfirmuar ende nga autoritetet iraniane.
Larijani konsiderohet një figurë me peshë në politikën iraniane, me një karrierë të gjatë në poste kyçe, përfshirë drejtimin e parlamentit dhe rolin e negociatorit bërthamor.
Lini një Përgjigje