FLASH
Shkruar nga Pamfleti
Vladimir Putin vijon të jetë në qendër të thashethemeve lidhur me shëndetin e tij. Një video e tij duke shtrënguar duart ku duken venat e fryra, ka bërë xhiron e rrjetit duke spekuluar rreth gjendjes së tij.
Presidenti rus u pa duke e shtrënguar fort dorën e tij nga sikleti gjatë një eventi ku 73-vjeçari iu drejtua një turme të mbledhur në një fushë basketbolli. Imazhet kanë nxitur spekulime të reja se Putini është rëndë i sëmurë, me detektivët online që pretendojnë se ai mund të vuajë nga sëmundja e Parkinsonit deri te kanceri.
"Diçka nuk shkon me duart e Putinit", tha për "East2ëest" Anton Gerashchenko, një ish-këshilltar në Ministrinë e Brendshme të Ukrainës.
"Përveçse është i mbuluar me gjak deri në bërryla, venat e tij janë edhe të fryra", shtoi ai.
Në nëntor 2024, duart e Putinit ishin objekt spekulimesh, me Gerashchenkon që postoi në X se si një video tregonte se ato "nuk lëviznin dhe dukeshin sikur ishin të ndara nga trupi i tij".
Në tetor 2024, Kremlini tha se Putini nuk kishte probleme shëndetësore pasi nuk u shfaq në publik për dy javë. Gjithashtu tha se Putini kishte vizituar një spital në Moskë për analiza mjekësore.
Në prill të vitit 2022, një video e Putinit duke mbajtur një tavolinë ndërsa bisedonte me ish-ministrin rus të Mbrojtjes, Sergei Shoigu, kishte ngjallur gjithashtu spekulime rreth shëndetit të tij.
ëhat's ëith Putin's hands in this video? https://t.co/hF5yqgEFei pic.tëitter.com/xl5ëopj2ID
— Anton Gerashchenko (@Gerashchenko_en) November 9, 2025
Lini një Përgjigje