FLASH
Shkruar nga Pamfleti
Emri i diplomatit dhe ish-ministrit të jashtëm sllovak, Miroslav Lajçak, i cili shërbeu gjithashtu si i dërguari i BE-së për dialogun Kosovë-Serbi, shfaqet në emailet e deklasifikuara të të dënuarit për krime seksuale Jeffrey Epstein, raporton media sllovake "Noviny.sk".
Në një email, Epstein shkruan se Lajçak do të vizitojë një nga rezidencat e tij, duke thënë se "Miro po vjen në Palm Beach" një referencë për shtëpinë e Epstein në Florida - "për të hartuar strategji".
Dokumentet e publikuara përmbajnë gjithashtu emaile që thuhet se janë shkëmbyer midis tyre në vitin 2018. Emri i diplomatit sllovak Miroslav Lajçak shfaqet në to.
Vetë Lajçak nuk e ka konfirmuar komunikimin e tij me të dënuarin Epstein-in.
Ende nuk është konfirmuar që emailet janë shkruar nga vetë Lajçak, por ato janë dërguar në adresën e tij në ministri ndërsa ai ishte Ministër i Jashtëm i Sllovakisë.
Lini një Përgjigje