FLASH
Shkruar nga Pamfleti
Ekzekutimet e pakontrolluara nga regjimi iranian kanë shkaktuar shqetësim në komunitetin ndërkombëtar. Lidhur me këtë rast, 520 personalitete ndërkombëtare kanë nënshkruar një deklaratë, ku bëjnë thirrje për ndalimin e këtyre ekzekutimeve.
Një koalicion prej 520 figurave globale dhe organizatave joqeveritare i janë drejtuar me një apel urgjent, Kombeve të Bashkuara që të ndërhyjnë për të ndaluar ekzekutimet e afërta të të burgosurve politikë në Iran. Lista e zgjeruar e nënshkruesve nënvizon shqetësimin në rritje ndërkombëtar për fushatën e ekzekutimeve të motivuara politikisht të Teheranit.
Koalicioni prej 520 personalitetesh dhe oragnizatash joqeveritare, shprehet se që nga viti 2021 janë ekzekutuar mbi 1800 të burgosur, përfshirë këtu gra, të mitur, pakica etnike dhe fetare, si dhe disidentë.
“Ne, ekspertët ndërkombëtarë dhe organizatat joqeveritare nënshkruese, dënojmë pa mëdyshje fushatën në rritje të autoriteteve iraniane të ekzekutimeve të motivuara politikisht. Këto akte përbëjnë një sulm të rëndë ndaj të drejtave të njeriut dhe një strategji të qëllimshme për të shtypur disidencën.
Kërkojmë ndalimin e menjëhershëm të ekzekutimeve të tyre. Komuniteti ndërkombëtar nuk duhet të qëndrojë i heshtur. Dhjetëra të burgosur politikë përballen me ekzekutim të afërt pas gjyqeve krejtësisht të padrejta. Disa prej tyre janë transferuar me forcë në burgun Qezel Hesar, një vend i njohur për ekzekutime. Që nga koha kur Presidenti Masoud Pezeshkian mori detyrën në gusht të vitit 2024, mbi 1800 ekzekutime janë kryer, duke synuar gra, të mitur, pakica etnike dhe fetare, si dhe disidentë, në një përpjekje të llogaritur për të parandaluar një kryengritje të re dhe për të shtypur kërkesat për ndryshim demokratik.
Synimi sistematik i autoriteteve iraniane ndaj të burgosurve politikë rrënjoset në një kulturë pandëshkueshmërie, e ushqyer nga dështimi për të mbajtur përgjegjës autorët e krimeve të së shkuarës. Kjo u dokumentua në raportin historik të korrikut të vitit dy mijë e njëzet e katër për Krimet e Atrocitetit nga Raportuesi Special i Kombeve të Bashkuara për Iranin, Profesori Javaid Rehman, i cili konstatoi se vrasjet masive të viteve një mijë e nëntëqind e tetëdhjetë e një deri në një mijë e nëntëqind e tetëdhjetë e dy, dhe masakra e vitit një mijë e nëntëqind e tetëdhjetë e tetë, përbëjnë krime kundër njerëzimit dhe gjenocid", thuhet ndër të tjera në deklaratën e përbashkët.
Lini një Përgjigje