FLASH
Shkruar nga Pamfleti
Prokurorja e Parisit, Laure Beçuau, tha se “shtresat e larta të krimit të organizuar” nuk ishin të përfshira, pasi një nga autorët mbetet ende i lirë.
Kjo deklaratë vjen dy javë pas vjedhjes në Luvër, ku hajdutët parkuan një kamion të vjedhur jashtë muzeut më të vizituar në botë, përdorën një ngritës mobiliesh për të arritur në katin e parë dhe më pas thyen derën e një prej dhomave të muzeut.
Më pak se shtatë minuta më vonë, ata u larguan me skuterë, duke marrë bizhuteri mbretërore me vlerë të çmuar rreth 88 milionë euro (76 milionë paund). Vjedhja e guximshme, e kryer një të diel në mesditë, ka shkaktuar një reagim të madh në Francë.
Katër persona janë akuzuar deri tani, por bizhuteritë e vjedhura, përfshirë një varëse me smerald dhe diamante që Napoleoni I ia dhuroi gruas së tij të dytë, Marie Louise dhe një diadem të zbukuruar me 212 perla dhe afro 2,000 diamante që i përkiste Eugenie, gruas së Napoleoni III, nuk u vodhën.
Një tjetër autor mbetet ende në arrati, njoftoi prokurorja Beçuau. Mediat franceze spekulojnë se hajdutët ishin amatorë, pasi rezultoi se gjatë ikjes ata kishin lënë pas kurorën më të çmuar, kurorën e Mbretëreshës Eugenie, prej ari, smeraldi dhe diamante dhe kishin braktisur mjetet dhe sende të tjera në vendngjarje që mund të mbanin gjurmë të ADN-së së tyre.
“Kjo nuk është delikencë e zakonshme… por një lloj delikence që nuk lidhet zakonisht me shtresat e larta të krimit të organizuar”, tha Beçuau.
Të shtunën, prokurorët njoftuan se një grua 38-vjeçare dhe një burrë 37-vjeçar u akuzuan dhe u vendosën nën mbikëqyrje nga autoritetet, pasi ADN-ja e tyre u gjet në ngritësin që përdorën gjatë vjedhjes.
Burri u akuzua për vjedhje të organizuar dhe komplot kriminal, ndërsa partnerja e tij për përfshirje në vjedhje të organizuar dhe komplot kriminal. Beçuau tha se ata janë një çift me fëmijë dhe kanë “mohuar çdo përfshirje”.
Disa ditë më parë, policia arrestoi dy të tjerë lidhur me sulmin: një 34-vjeçar algjerian që jeton në Francë që nga 2010 dhe një 39-vjeçar që ishte nën mbikëqyrje gjyqësore për vjedhje. Të dy burrat, të akuzuar për vjedhje dhe komplot kriminal, kanë pranuar pjesërisht përfshirjen e tyre.
Tre të akuzuarit njiheshin nga policia për dënime të mëparshme, përfshirë vjedhje. Dy nga të dyshuarit kishin qenë më parë të dënuar së bashku për një vjedhje 10 vjet më parë, tha Beçuau, e cila nuk përjashtoi mundësinë e pranisë së bashkëpunëtorëve të tjerë. Tre të arrestuarit, së bashku me çiftin u liruan më 29 tetor pa akuza.
Kur u pyet nëse hetuesit po afrohen drejt gjetjes së bizhuterive, prokurorja Beçuau nuk dha detaje, duke iu referuar sekretit të hetimeve.
“Po shqyrtojmë të gjitha mundësitë në tregun paralel për shitjen e këtyre bizhuterive, gjë që shpresoj të mos ndodhë së shpejti. Ato mund të përdoren për pastrimin e parave, mund të shiten; të gjitha pistat po shqyrtohen”, tha ajo.
Lini një Përgjigje