FLASH
Shkruar nga Pamfleti
Kryeministri izraelit Benjamin Netanyahu ka kërkuar ndihmën e Ukrainës, në një bisedë zyrtare që pritet të zhvillojë me presidentin, Volodymyr Zelensky.
Qëllimi është diskutimi mbi mjetet fluturuese iraniane dhe bashkëpunimin e mundshëm ushtarak.
Sipas raportimeve nga mediat izraelite, Tel Avivi po kërkon konsultime specifike me Kievin, pasi Ukraina ka krijuar një përvojë të gjerë dhe të suksesshme në interceptimin dhe shkatërrimin e dronëve të prodhimit iranian gjatë luftës në territorin e saj.
Ambasadori i Ukrainës në Izrael, Yevhen Korniychuk, konfirmoi se kërkesa për këtë telefonatë është përcjellë zyrtarisht, por për shkak të agjendave të ngjeshura të të dy liderëve, biseda ende nuk është realizuar.
Pritet që ky komunikim i rëndësishëm të ndodhë në fillim të javës së ardhshme, ku pritet të shkëmbehen të dhëna teknike dhe strategjike mbi mbrojtjen nga këto sulme ajrore që po prekin të dyja rajonet.
Ndërkohë ushtria iraniane ka lëshuar një kërcënim të drejtpërdrejtë ndaj kryeministrit të Izraelit, Benjamin Netanyahu, duke deklaruar se do ta “ndjekë dhe do ta vrasë”.
Sipas mediave shtetërore iraniane, deklarata është bërë nga Gardat Revolucionare të Iranit, e njohur si IRGC.
Agjencia gjysmëzyrtare e lajmeve Mehr raporton se IRGC është zotuar se do të vazhdojë operacionet kundër Izraelit dhe liderëve të tij.
SHBA nuk është gati për marrëveshje me Iranin
Presidenti i SHBA-së, Donald Trump, deklaroi se nuk është ende i përgatitur të arrijë një marrëveshje me Iranin për t'i dhënë fund luftës. Ai tha se Irani dëshiron të arrijë një marrëveshje për t'i dhënë, por sipas tij kushtet nuk janë mjaftueshëm të mira.
Në një intervistë me NBC, Trump shtoi se sulmet amerikane shkatërruan plotësisht pjesën më të madhe të Ishullit Kharg, qendrën kritike të eksportit të naftës së Iranit, por ai theksoi se “mund ta godasin atë edhe disa herë vetëm për qejf”.
Trump u bëri thirrje vendeve të ndihmojnë SHBA-në të sigurojë Ngushticën e Hormuzit duke dërguar anije luftarake në Lindjen e Mesme. Deri më tani, vendet që iu përgjigjën nuk e kanë konfirmuar nëse do ta bënin këtë.
Izraeli dhe Irani kanë shkëmbyer sulme ajrore gjatë natës, ndërsa janë raportuar përgjime raketash dhe dronësh në shtetet e Gjirit. Irani lëshoi disa breshëri raketash drejt Izraelit dhe pretendon sulme ndaj bazave amerikane në Irak dhe Kuvajt.
Ambasada amerikane në Bagdad i ka paralajmëruar qytetarët e saj në Irak të largohen "menjëherë" pasi një raketë goditi ndërtesën të shtunën. Po kështu edhe punonjësve të qeverisë amerikane që nuk janë të emergjencës u është thënë të largohen nga Omani.
Lini një Përgjigje