FLASH
Shkruar nga Pamfleti
Një delegacion i lartë nga Shtetet e Bashkuara ka mbërritur në Islamabad për të rinisur negociatat me Iranin, në përpjekje për uljen e tensioneve mes dy vendeve.
Delegacioni udhëhiqet nga zëvendëspresidenti amerikan JD Vance dhe përfshin gjithashtu Jared Kushner, si dhe negociatorin special Steve Witkoff.
Sipas agjencisë AFP, autoritetet pakistaneze kanë shtuar masat e sigurisë në kryeqytet përpara zhvillimit të bisedimeve, të cilat synojnë të gjejnë një zgjidhje për konfliktin mes Uashingtonit dhe Teheranit.
Presidenti Donald Trump ka deklaruar në platformën Truth Social se përfaqësuesit amerikanë do të jenë në Islamabad për të zhvilluar bisedime që mund të kontribuojnë në zbutjen e krizës.
Ndërkohë, autoritetet lokale kanë vendosur kufizime të lëvizjes në disa zona të Islamabadit dhe në qytetin fqinj Rawalpindi, përfshirë bllokime rrugësh dhe kontrolle të shtuara pranë hoteleve ku pritet të mbahen takimet.
Pamjet nga terreni tregojnë prani të shtuar të forcave të sigurisë dhe pika kontrolli, ndërsa qytetarëve u është bërë thirrje të bashkëpunojnë për të shmangur tensionet gjatë zhvillimeve diplomatike.
Lini një Përgjigje