FLASH
Shkruar nga Pamfleti
Një gjyqtar federal në Florida hodhi poshtë të premten padinë e Presidentit Donald Trump për shpifje ndaj New York Times, ndërsa kërkonte 15 miliardë dollarë dëmshpërblim.
Padia përmendte një libër dhe një artikull të shkruar nga gazetarët e Times, Russ Buettner dhe Susanne Craig, që përqendrohen në financat e Trump dhe rolin e tij para-presidencial në serialin televiziv “The Apprentice”.
Trump përmes padisë shprehej se ata “përhapën me qëllim të keq narrativën pa fakte” se producenti televiziv Mark Burnett e shndërroi Trumpin në një personazh të famshëm, “edhe pse në kohën e publikimeve dhe para tyre, të pandehurit e dinin se Presidenti Trump ishte tashmë një mega-person i famshëm dhe një sukses i madh në biznes”.
Gjykatësi i Qarkut të SHBA-së, Steven Merryday, e rrëzoi padinë dhe u dha avokatëve të presidentit 28 ditë kohë për të ri-ngrenë padinë e tyre.
“Një ankesë nuk është një megafon për marrëdhënie me publikun apo një podium për një fjalim pasionant në një tubim politik apo ekuivalenti funksional i Qoshes së Folësve në Hyde Park”, shkroi Merryday.
Gjykatësi Merryday, me një vendim të ashpër 4-faqësh, tha se po e hidhte poshtë padinë sepse ajo shkel "në mënyrë të padyshimtë dhe të pafalshme" rregullat që rregullojnë paditë civile.
"Një ankesë është një deklaratë e shkurtër, e thjeshtë dhe e drejtpërdrejtë e pretendimeve faktike, e mjaftueshme për të krijuar një kërkesë në dukje të besueshme për lehtësim dhe e mjaftueshme për të lejuar formulimin e një përgjigjeje të informuar", shkroi ai.
"Edhe pse avokatët kanë njëfarë lirie shprehjeje në mbrojtjen e kërkesës së një klienti, ankesa në këtë veprim shtrihet shumë përtej kufirit të jashtëm të asaj lirie."
Merryday, i cili u emërua nga Presidenti Geroge HW Bush, tha se padia përmban tetëdhjetë faqe me pretendime dhe lëvdata të përsëritura për Presidentin Trump, por nuk arrin të vërtetojë dy akuzat për shpifje të pretenduara. Ai kritikoi ashpër avokatët e Trump për mënyrën se si ato kishin hartuar padinë duke thurrur lëvdata "të tepërta" për shfaqjen e Trump "The Apprentice", si dhe për madhësinë e perandorisë së tij të pasurive të paluajtshme dhe "modën historike" të fitores presidenciale të Trump në vitin 2024.
Një nga rastet tejet të pakët kur Rama tha një të vërtetë është "Po fitoi Trump do jetë në rrezik bota".