FLASH
Shkruar nga Pamfleti
Presidenti i SHBA-së, Donald Trump, pritet të bëjë atë që e quajti një deklaratë "të madhe" sot, pasi tha se SHBA-të do t'i dërgojnë Ukrainës "pjesë të ndryshme" të pajisjeve ushtarake "shumë të sofistikuara".
Deklarata e Trump pritet të vijë pas takimit që ai do të ketë me me Sekretarin e Përgjithshëm të NATO-s, Mark Rutte, në Shtëpinë e Bardhë në orën 10:00, sipas kohës lokale.
Ukrainasit po i mirëpresin me hezitim raportet për dërgesat e armëve amerikane, por janë gjithashtu të kujdesshëm , shkruan korrespondenti i BBC-së në Kiev.
Ndërkohë, Presidenti i Ukrainës, Volodymyr Zelensky, thotë se ka pasur bisedime “produktive” me të dërguarin e SHBA-së në Ukrainë, Keith Kellogg, sot në Kiev.
Në një deklaratë, zyra e presidentit ukrainas tha se në takim u diskutua perspektiva e një armëpushimi, si dhe blerja e armëve për të mbrojtur Ukrainën.
Aty përshkruhet se si takimi "u përqendrua gjithashtu në situatën e përgjithshme në vijën e frontit", si dhe në "nevojat e luftëtarëve ukrainas", për të cilët Kellogg shprehu respektin e tij.
Deklarata thotë gjithashtu se pasi Trump sugjeroi që SHBA-të do të dërgonin sisteme mbrojtëse raketore Patriot në Ukrainë , Zelensky "konfirmoi gatishmërinë e Ukrainës për të blerë armë amerikane, veçanërisht sisteme të mbrojtjes ajrore".
“Palët diskutuan gjithashtu prodhimin e përbashkët të dronëve, mundësinë e blerjeve të drejtpërdrejta të UAV-ve ukrainase nga Shtetet e Bashkuara dhe potencialin për prokurimin e armëve në bashkëpunim me partnerët evropianë”, shtohet në të.
Në Rusi, zëdhënësi i Kremlinit, Dmitry Peskov, thotë se është "shumë e rëndësishme" që bisedimet mbi Ukrainën të vazhdojnë.
Lini një Përgjigje