FLASH
Shkruar nga Pamfleti
Ftesa e ambasadorit rus në ceremoninë e Nobelit ka ngjallur polemika të mëdha. Vendimi i Fondacionit Nobel për të ftuar ambasadorë nga Rusia dhe Bjellorusia në ceremoninë e sivjetme të çmimit Nobel ngjalli zemërim të premten në Ukrainë, Suedi dhe në mesin e kundërshtarëve të regjimit të Minskut.
Zëdhënësi i Ministrisë së Jashtme të Ukrainës, Oleg Nikolenko, shkroi në Facebook se Fondacioni duhet të mbështesë përpjekjet për të izoluar Rusinë dhe Bjellorusinë pasi "miliona ukrainas vuajnë nga një luftë e paprovokuar dhe regjimi rus nuk dënohet për krimet e tij".
Në vitin 2022, Fondacioni Nobel vendosi të mos ftojë ambasadorët rusë dhe bjellorusë për shkak të luftës në Ukrainë, në ceremoninë e ndarjes së çmimeve në Stokholm.
Lini një Përgjigje