FLASH
Shkruar nga Pamfleti
Kryeministri Netanyahu është lideri i parë i huaj që ftohet në Shtëpinë e Bardhë gjatë mandatit të dytë të Presidentit Trump”, thuhet në deklaratë.
Zyra e kryeministrit izraelit njoftoi mbrëmjen e së martës se Benjamin Netanyahu është ftuar për t'u takuar me Presidentin e SHBA Donald Trump më 4 shkurt, në Shtëpinë e Bardhë.
“Presidenti amerikan Donald Trump ftoi kryeministrin Benjamin Netanyahu në një takim në Shtëpinë e Bardhë të martën, më 4 shkurt.
Kryeministri Netanyahu është lideri i parë i huaj që ftohet në Shtëpinë e Bardhë gjatë mandatit të dytë të Presidentit Trump”, thuhet në deklaratë.
Vlen të përmendet se i dërguari i SHBA në Lindjen e Mesme do të takohet me kryeministrin izraelit Benjamin Netanyahu të mërkurën, sipas një zyrtari izraelit.
Steve Witkoff, i dërguari i Presidentit Trump në rajon, është planifikuar gjithashtu të takohet me ministrin izraelit të Mbrojtjes, Israel Katz, tha zyrtari për CNN.
Në rendin e ditës do të jenë negociatat për fazën e dytë të armëpushimit në Gaza dhe marrëveshjen për lirimin e pengjeve mes Izraelit dhe Hamasit.
Marrëveshja aktuale e armëpushimit është vendosur të vazhdojë në tre faza të veçanta. Faza e parë, e cila filloi më 19 janar, do të sjellë lirimin e 33 pengjeve të mbajtura nga Hamasi në Gaza. Izraeli gjithashtu do të lirojë rreth 2000 të burgosur palestinezë si pjesë e marrëveshjes.
Detajet e fazës së dytë dhe të tretë do të vendosen gjatë 6 javëve të fazës së parë. Gjatë 15 muajve të fundit, Katari, Egjipti dhe SHBA kanë qenë ndërmjetësuesit kryesorë në bisedimet midis Izraelit dhe Hamasit.
Lini një Përgjigje