FLASH
Shkruar nga Pamfleti
Një avion luftarak amerikan ka qëlluar dy cisterna nafte të zbrazëta me flamur iranian që po drejtoheshin drejt porteve në Iran, njoftoi sot ushtria amerikane. Sipas Komandës Qendrore të SHBA-së (CENTCOM), një F/A-18 Super Hornet ka goditur me municione precize oxhaqet e dy anijeve, duke i çaktivizuar ato përpara se të arrinin në një port iranian në Gjirin e Omanit.
“Nëpërmjet këtij veprimi u parandalua shkelja e bllokadës së vazhdueshme të SHBA-së”, thuhet në deklaratën e publikuar nga CENTCOM në platformën X.
Nga ana tjetër, agjencia iraniane e lajmeve Fars raporton për përleshje sporadike midis anijeve amerikane dhe forcave të armatosura të Iranit në Ngushticën e Hormuzit, që nga ora 13:00 e sotme. Teherani nuk ka dhënë ende një reagim zyrtar të hollësishëm për sulmin ndaj cisternave.
Kujtojmë se Ngushtica e Hormuzit mbetet një zonë kritike për tregtinë globale të naftës dhe çdo incident aty rrezikon të shtojë më tej paqëndrueshmërinë në rajon.
Lini një Përgjigje