FLASH
Shkruar nga Pamfleti
Një protestues ka mbetur i lënduar gjatë protestës së zhvilluar në Rrjoll kundër ndërtimit të resortit luksoz nga kompania e biznesmenit Bashkim Ulaj.
Sipas informacioneve paraprake, qytetari ka pësuar një dëmtim në këmbë gjatë momentit kur protestuesit po hiqnin rrethimin e vendosur në kantierin e ndërtimit.
Menjëherë pas incidentit, në vendngjarje ka ndërhyrë ambulanca, e cila e ka transportuar të lënduarin për të marrë ndihmën e nevojshme mjekësore.
Burime nga protesta bëjnë me dije se, pavarësisht dëmtimit të marrë, protestuesi ndodhet jashtë rrezikut për jetën dhe gjendja e tij shëndetësore paraqitet e stabilizuar.
Protesta në Rrjoll është shoqëruar me tensione dhe përplasje, ndërsa banorët vijojnë kundërshtimin e tyre ndaj projektit që po zhvillohet në zonë.
Lini një Përgjigje