FLASH
Shkruar nga Pamfleti
Irani paralajmëroi se mund të godasë çdo bazë ushtarake amerikane në Europë, nëse e konsideron të nevojshme. Deklarata u bë nga ambasadori i Iranit në Spanjë, Reza Zabib, i cili theksoi se vendi i tij është “një shtet i aftë të reagojë”.
Deklarata vjen në një moment tensioni të lartë pas sulmeve amerikano-izraelite ndaj Iranit dhe përshkallëzimit të situatës në Lindjen e Mesme.
Në reagim ndaj zhvillimeve, ministri i Brendshëm i Spanjës urdhëroi forcimin e mbikëqyrjes dhe masave të sigurisë në të gjithë territorin spanjoll, për shkak të kërcënimeve të mundshme.
Më herët, Spanja refuzoi t’u japë Shteteve të Bashkuara leje për të përdorur bazat ushtarake të përbashkëta në territorin e saj për sulme kundër Iranit. Si pasojë, SHBA tërhoqi disa avionë cisternë KC-135 nga bazat në Kadiz dhe Sevilje.
Ndërkohë, autoritetet amerikane konfirmuan se shkatërruesit USS Bulkeley dhe USS Roosevelt, të cilët u larguan nga Kadizi javën e kaluar, morën pjesë në operacionet ushtarake kundër Iranit.
Deklaratat dhe lëvizjet ushtarake tregojnë se tensionet mes Teheranit dhe Uashingtonit po reflektohen edhe në territorin europian, duke rritur shqetësimet për sigurinë e bazave amerikane në rajon.
Lini një Përgjigje