FLASH
Shkruar nga Pamfleti
Drejtori rajonal i Programit Botëror të Ushqimit (WFP) për Lindjen e Mesme, Afrikën e Veriut dhe Evropën Lindore, Samer AbdelJaber ka deklaruar se mbyllja e Ngushticës së Hormuzit po përshkallëzon pasigurinë ushqimore dhe kequshqyerjen në vendet që tashmë përballen me një vështirësi të tillë.
Ai e përshkroi situatën si një “krizë brenda një krize”, duke theksuar se tregjet po destabilizohen dhe çmimet po rriten. Sipas tij, këto zhvillime do të vazhdojnë të prodhojnë efekte zinxhir në nivel global.
“Po bëhet si një krizë brenda një krize. Tregjet po fryhen, çmimet po preken dhe kjo do të vazhdojë të dërgojë valë tronditëse në të gjithë globin”, tha ai.
AbdelJaber vlerëson se deri në 45 milionë njerëz mund të përballen me pasiguri ushqimore nëse kriza vazhdon.
Deklaratat e tij vijnë pasi një koalicion vendesh publikoi të premten një raport, ku paralajmërohet se nivelet e pasigurisë ushqimore dhe kequshqyerjes mbeten jashtëzakonisht të larta. Raporti i Rrjetit Global Kundër Krizave Ushqimore evidenton se krizat janë të përqendruara kryesisht në dhjetë vende.
Sipas raportit, vendet më të prekura janë Afganistani, Bangladeshi, Republika Demokratike e Kongos, Myanmari, Nigeria, Pakistani, Sudani i Jugut, Sudani, Republika Arabe Siriane dhe Jemeni.
Lini një Përgjigje