FLASH
Shkruar nga Pamfleti
Teksa armëpushimi me Iranin është shtyrë për t’i dhënë kohë diplomacisës për të zgjidhur konfliktin, Departamenti Amerikan i Shtetit u ka bërë thirrje të gjithë qytetarëve të saj që kanë mbetur në Teheran që të "largohen tani", pasi hapësira ajrore e vendit u rihap pjesërisht dje.
DASH gjithashtu paralajmëroi se Teherani mund t’i ndalojë ata të largohen ose t’u ngarkojë një “tarifë daljeje” nëse vendos t’i lejojë të kalojnë. Çdo shtetasi iranian-amerikan me shtetësi të dyfishtë iu tha të largohej me pasaportën e tij iraniane.
Më tej thuhej se amerikanët mund të largohen gjithashut me rrugë tokësore për në Armeni, Azerbajxhan, Turqi dhe Turkmenistan.
“Që nga 21 prilli, hapësira ajrore e Iranit është rihapur pjesërisht. Qytetarët amerikanë duhet të largohen nga Irani tani, të monitorojnë mediat lokale për përditësime dhe të konsultohen me transportuesit komercialë për informacion shtesë mbi fluturimet nga Irani. Amerikanët që kërkojnë të nisen nga Irani mund të nisen gjithashtu me rrugë tokësore për në Armeni, Azerbajxhan, Turqi dhe Turkmenistan. Qytetarët amerikanë nuk duhet të udhëtojnë në Afganistan, Irak ose në zonën kufitare Pakistan-Iran. Kini parasysh se qeveria iraniane mund t'i ndalojë qytetarët amerikanë të nisen ose të ngarkojë një "tarifë daljeje" për nisjet nga Irani. Shtetasit e dyfishtë amerikanë-iranianë duhet të largohen nga Irani me pasaporta iraniane”, njofton Departamenti i Shtetit.
Lini një Përgjigje