FLASH
Shkruar nga Pamfleti
Një aksident i trefishtë është regjistruar pasditen e së premtes në superstradën Lezhë-Milot, ku për pasojë kanë mbetur të plagosur tre persona, mes tyre edhe një grua.
Ngjarja ka ndodhur pranë fshatit Gajush, ku tre automjete janë përfshirë në një përplasje, shkaqet e së cilës ende nuk janë bërë të ditura.
Të plagosurit janë transportuar me urgjencë në Spitalin Rajonal të Lezhës, ku po marrin ndihmën e nevojshme mjekësore. Sipas burimeve spitalore, ata ndodhen jashtë rrezikut për jetën.
Menjëherë pas aksidentit, në vendngjarje kanë mbërritur shërbimet e Policisë, të cilat kanë kryer veprimet e para hetimore dhe po punojnë për zbardhjen e plotë të rrethanave dhe shkaqeve që çuan në përplasjen e automjeteve.
Lini një Përgjigje