FLASH
Shkruar nga Pamfleti
Dy persona kanë rënë në pranga gjatë një operacioni të Policisë së Tiranës, pasi u kapën duke qarkulluar me armë zjarri, ndërsa një 69-vjeçar u arrestua në një operacion tjetër, pasi në banesën e tij u gjetën armë dhe municion që dyshohet se posedoheshin me qëllim shitjen.
Sipas njoftimit të Policisë, operacionet e koduara “Shenja” dhe “Kodra” u zhvilluan në kuadër të punës për goditjen e rasteve të armëmbajtjes pa leje dhe posedimit të armëve që përbëjnë rrezik për sigurinë publike.
Shërbimet e Forcës së Posaçme “Shqiponja”, në bashkëpunim me specialistët për Hetimin e Krimeve të Komisariatit të Policisë Nr. 4, arrestuan në Rrugën e Dibrës shtetasit Shendi Sata 31 vjeç, dhe Shemsi Shaljani 43 vjeç.
Gjatë kontrollit, 31-vjeçarit iu gjet një pistoletë me municion, ndërsa nga verifikimet rezultoi se 43-vjeçari ishte në masën e sigurisë “Arrest në shtëpi”.
Në operacionin “Kodra”, specialistët për Hetimin e Krimeve të Komisariatit të Policisë Nr. 6 arrestuan shtetasin Fatbardh Hyka 69 vjeç.
Gjatë kontrollit në banesën e tij, në fshatin Kodër Kashar, u gjetën një pistoletë me municion, një armë gjahu dhe 112 fishekë, të cilat dyshohet se posedoheshin me qëllim shitjen.
Materialet procedurale i janë referuar Prokurorisë së Tiranës për veprime të mëtejshme.
Lini një Përgjigje