FLASH
Shkruar nga Pamfleti
Mesfushori shqiptar nga Kosova, Erblin Osmani, është shumë pranë nënshkrimit të kontratës së tij të parë si futbollist profesionist me Bajernin e Mynihut.
Sipas raportimeve të “Sky Sport Germany”, bisedimet mes palëve kanë hyrë në fazën përfundimtare dhe marrëveshja pritet të finalizohet në ditët në vijim. Kontrata e re do ta lidhë 17-vjeçarin me klubin bavarez deri në verën e vitit 2029.
Për sezonin e ardhshëm, Osmani do të jetë pjesë e skuadrës U19 të Bajernit të Mynihut, ku do të vazhdojë zhvillimin e tij, ndërsa njëkohësisht pritet të stërvitet rregullisht edhe me ekipin e parë.
Fakti që kampionët e Gjermanisë synojnë ta përfshijnë talentin kosovar në seancat stërvitore të skuadrës së parë konsiderohet një tregues i qartë i besimit që klubi ka ndaj potencialit dhe perspektivës së tij.
Lini një Përgjigje