FLASH
Shkruar nga Pamfleti
Manuel Nojer ka hyrë në historinë e futbollit botëror duke vendosur një rekord të ri në Kupën e Botës. Portieri legjendar i Gjermanisë regjistroi paraqitjen e tij të 21-të në këtë kompeticion, pasi u aktivizua në formacionin titullar të kombëtares gjermane në përballjen ndaj Bregut të Fildishtë.
Me këtë ndeshje, Nojer bëhet portieri me më shumë paraqitje në historinë e Kupës së Botës, duke lënë pas francezin Hugo Loris dhe duke vendosur një rekord të ri për gardianët në turneun më prestigjioz të futbollit ndërkombëtar.
Për 40-vjeçarin, kjo ishte gjithashtu paraqitja e 126-të me fanellën e Gjermanisë. Ky bilanc e rendit atë në vendin e pestë në listën e futbollistëve me më shumë ndeshje të zhvilluara për kombëtaren gjermane.
Në renditjen historike, Nojer ndodhet pas emrave të njohur të futbollit gjerman si Lukas Podolski me 130 paraqitje, Tomas Myler me 131, Miroslav Klose me 137 dhe Lotar Mateus, i cili mban rekordin absolut me 150 ndeshje për kombëtaren.
Karriera e gjatë dhe kontributi i tij ndër vite e kanë bërë Nojer një nga portierët më të suksesshëm dhe më me ndikim në historinë e futbollit modern.
Lini një Përgjigje