FLASH
Shkruar nga Pamfleti
Mbrojtësi i Kombëtares, Elseid Hysaj ishte një nga më të dalluarit në fushë, në derbin Lacio-Roma, ku skuadra e tij triumfoi me rezultatin 1-0, falë golit të realizuar nga Zakanji në minutën e 65. Shqiptari bëri mjaft mirë detyrën e tij në krahun e majtë të mbrojtjes, si dhe ndihmoi edhe në repartin ofensiv.
Media italiane, “Tuttomercatoweb“ e ka veçuar shkodranin si më të mirin në prapavijë, duke e vlerësuar me notën 6.5 , më e larta në repartin e mbrojtjes të Lacios.
“Ai shtyn shumë në të majtë, duke formuar një zinxhir me Zakanjin që prodhon disa topa joshës të shërbyer në qendër të zonës”, ka shkruar “Tuttomercatoweb” në vlerësimin e bërë për Elseid Hysajn.
Lini një Përgjigje