Shkruar nga Pamfleti
“Të humbtë vula”
Edhe pas dorëheqjes në vitin 2013, vulën e PD e ka pasur në “xhep” Sali Berisha, ndërsa Luli, me dëshirë a me pahir, firmoste çdo urdhër, vendim partiak, financiar, emërime, shkarkime, lista kandidatësh për deputetë, kryebashkiakë e këshilltarë.
Ndërsa pasi Lulzim Basha e përzuri nga PD, plaku “non grata” krijoi Foltoren, të cilën e quante “PD”, duke ri-futur në përdorim ish-logon dhe ish-vulën që i vodhi Azem Hajdarit në “Dhjetor ’90”, nëpërmjet zgjedhjes kryetar me vota të manipuluara.
Prej 1 viti, Sali Berisha e përdori lirshëm atë logo e vulë të ç’regjistruar në tetor 2005, ndërsa anti- krimi, prokuroria e SPAK, nuk zbatuan ndaj tij Kodin Penal, për veprën penale: “Prodhim, përdorim vulash, stampash e formularësh të paligjshëm”.
Por edhe kjo vulë i doli jashtë loje me 3 mars, me vendimin e Gjykatës së Apelit, që njohu vetëm një forcë politike me emër “PDSH”, një kryetar të saj të quajtur Lulim Basha dhe vetëm logon e vulën ligjore që ka kjo parti.
Mos dhënia e vulës zyrtare të PD, ka lënë pa vulë kryeplakun “non grata” të Foltores, ndërsa vulën e logon false që përdori prej 1 viti, KQZ nuk ia njeh dhe nuk e regjistron në zgjedhje, mbasi as Foltorja nuk është PD dhe as Saliu nuk është kryetar i saj.
Por megjithëse pa vulë e pa parti, Sali Berisha ka deklaruar se do të marrë vendime e do bëjë kërkesa drejtuar gjykatës në Tiranë e në Strasburg, por duke i vulosur shkresat “me gisht”, si qëmoti tapitë dhe vendimet e krye-pleqësisë në Viçidol.
Për tipa si Sali Berisha, që mbahet sikur është “beu” i PD-së e i Shqipërisë, populli përdor shprehjen: “Vulë-humburi”; dhe shprehjen e urimit keqësues: “Të humbtë vula”.
Vulën e humbi, por ka vulën e partisë së Ilir Metës e Monika Kryemadhit, me të cilën do regjistrojë kandidatët për Kryetar Bashkie, kundrejt pazarit që mbështetësit e Foltores, të votojnë listën me kandidatët e Parisë së Lirisë për këshillat e 61 bashkive./Pamfleti
