FLASH
Shkruar nga Pamfleti
SPAK-u në hetim të Kryeministrit; dosjet Aruba dhe SKY ECC e lidhin me lejet e ndërtimit për trafikantët...
Dy javë pas protestës, SPAK finalizoi veprimet për dosjet ndërkombëtare; 30 urdhër-arreste për bosët e drogës, të cilët pastruan miliarda euro me ndërtime në Shqipëri. Hetimi de facto ka përfshirë Edi Ramën, pasi ai ka firmosur lejet e ndërtimit për trafikantët si Artur Shehu (hotel 50 metër brenda detit në Vlorë) dhe vëllezërit Aliu (resorte në Lalëz, Himarë, Jalë e pallate në 6 qytete). SPAK i është bashkëngjitur kërkesës së protestuesve.
Një nga thirrjet e protestuesve drejtuar SPAK-ut është kërkesa për fillimin e hetimit ndaj kryeministrit Edi Rama, në lidhje me shkatërrimin e zonave të mbrojtura, lejet e kullave e resorteve dhe tokat publike që ka dhënë për miq të tij, familjarë qeveritarësh, oligarkë e trafikantë të ashtuquajtur "Investitorë strategjikë".
Në fakt, SPAK, nëpërmjet pozicionimit dhe funksionimit si strukturë e posaçme për hetimin e korrupsionit dhe krimit të organizuar, de facto i është bashkëngjitur platformës së protestuesve, para se ata të kërkonin hetimin e kryeministrit Edi Rama.
Dy javë pas nisjes së protestës, SPAK publikoi dhe finalizoi veprimet për dosjet që dërguan agjencitë e Holandës, Belgjikës e Spanjës, me prova financimi të kullave e resorteve me miliardat e drogës nga trafikantët e oligarkët e lidhur me Edi Ramën, ministrat e Sali Berishën.
Në bazë të atyre provave, të njohura si dosjet "Aruba" dhe "SKY ECC", SPAK bëri hetimet paraprake dhe ka lëshuar urdhër-arreste për Artur Shehu, Leonard Bishaj, Ilir Shtufi, Shpëtim, Isa e Oklid Aliu, Eldi Dizdari, Alfredo Hamzai, Sokol e Nikoll Bibaj, Florijan Musaj, Artan Rama, Arben Ismailaj, Elton Memeti, Adrian Rama dhe Bujar Shehaj, Armando Pacani etj.
Sipas dosjeve ndërkombëtare dhe të SPAK-ut, këta janë bosë të trafikimit ndërkombëtar të drogës dhe kartelit mafioz "Aruba", që kanë siguruar miliona euro dhe i kanë pastruar me ndërtime e investime të shumta në Shqipëri, direkt vetë e nëpërmjet oligarkëve.
Sipas provave të tyre dhe provave të zbuluara, tokat i kanë përfituar me falsifikime dhe ryshfete në komisione pronash e Kadastër dhe me akte shitje në vlera simbolike e akte-dhurimi nga qeveria, me skemën grabitëse "investitorë strategjikë".
Lejet e ndërtimit i kanë marrë nga Qeveria me vendime nominale dhe nga Këshilli Kombëtar i Territorit, Agjencia e Zhvillimit të Territorit e Komiteti i Investimeve Strategjike, kryetar i të cilave është kryeministri Edi Rama, që ka firmosur lejet, dhe me urdhër të tij, ministrat e linjës, të cilët, sipas hetimeve, janë shpërblyer financiarisht e me klering nga investitorët.
Sipas Kodit të Procedurës Penale, SPAK e ka marrë nën hetim aktiv kryeministrin Edi Rama, sepse ka dalë si subjekt i lidhur me interesat e trafikantëve në pastrimin e parave.
Ky hetim mbështetet në prova konkrete, siç janë nënshkrimet në vendimet për tokat dhe lejet e ndërtimit që u ka dhënë trafikantëve për kulla, hotele, ferma, resorte, komplekse me vila e pallate, ku janë përdorur dhe miliardat e drogës.
Rast tipik i hetimit të pashmangshëm të Edi Ramës është leja e ndërtimit të dhënë trafikantit, vrasësit e grabitësit të tokave, Artur Shehu, për hotel, bar-restorant, disko e kazino, 50 metër brenda në det, përballë lungomares në Vlorë.
Pjesë e hetimit të pashmangshëm të Edi Ramës është leja e ndërtimit të dhënë kryetrafikantëve Shpëtim e Isa Aliu, për resorte në Lalëz e Himarë, për super hotelin-resortin "Zig Zag" në Jalë, për pallate në Tiranë, Durrës, Elbasan, Sarandë e Vlorë.
Duke nxjerrë dosjen "Aruba" dhe dosjen "Isa Aliu", menjëherë pas nisjes së protestës, SPAK i është "de facto" pro protestës dhe ka plotësuar kërkesën e protestuesve për hetimin e kryeministrit Edi Rama, në pritje të arrestimit dhe largimit nga detyra.
Jo vetëm ky hetim për Zvërnecin dhe grupet "Aruba" e "Isa Aliu", por dhe hetimi për landfillet, lejet e tokat për investitorë strategjikë dhe PPP-të në shëndetësi, rrugë, kontratat "1 Euro" etj., etj., janë arsyeja e vetme që Edi Rama po bën gjithçka për të mbajtur pushtetin, edhe duke e çuar vendin në trazira./Pamfleti
Pamflet kjo analiza juaj eshte deduksion jo lajm aktual qe konfirmon zyrtarisht nisjen e hetimeve te spak ndaj edi rames. kshu qe entuziasmi eshte i parakohshem. lus te ndodhe kshu si profetizoni ju. respekt
Ne se SPAK kryen hetim te drejte e te paster ndaj kryeministrit i cili eshte ideatori i gjithe kesaj skeme, atehere do themi se pandeshkushmeria ndaj grabitjes zyrtare do te marre fund dhe drejtesia vihet ne vend.
Permbajtja e jetij artikulli eshte fake! SPAK po bashkepunon me Ramen!