FLASH
Shkruar nga Pamfleti
Lufta shkakton viktima në Ukrainë, por pasuron biznesmenët të cilët vazhdimisht kërkojnë favore nga Putin.
Edhe larg frontit, lufta e Vladimir Putin po sjell ndryshime të mëdha: ajo ka shkaktuar grabitjen më të madhe të burimeve që nga privatizimet e viteve 1990.
Ajo që mbeti nga të drejtat pronësore në Rusi u shpërbë nën goditjet e dy viteve të konfliktit. Çdo ndërmarrje dhe çdo lloj aksioneri rus ose i huaj, i nënshtrohet shtetëzimit me një vendim gjykate, në dukje të pakuptueshëm. Është vetëm çështje kohe: së shpejti ndonjë oligark i vjetër apo i ri, për sa kohë që ai është i dobishëm për Kremlinin, do ta fitojë për një çmim simbolik.
Kush pasurohet me luftë?
Lufta shkakton viktima në Ukrainë, por pasuron biznesmenët të cilët vazhdimisht kërkojnë favore nga Putin. Bindin ata që kontrollojnë shtetin për të shpronësuar, nacionalizuar dhe më pas shitur.
Ditët e fundit ka ndodhur me filialet ruse të “Ariston” italian dhe gjerman “Bosch”, por në 6 mujorin e fundit dhjetëra kompani të tjera perëndimore dhe qindra kompani vendase kanë pasur të njëjtin fat.
“Fortum Finlandez” dhe filiali i tij gjerman Fortum, solli të ardhura në Rusi prej dy miliardë euro në 2021 që përfunduan falas nën kontrollin e Rosneft, në duart e Igor Sechin, një oligark rus që ka qenë gjithmonë krahu i djathtë i Putinit.
Ish-guvernatori rajonal i Chelyabinsk Mikhail Yurevich u largua jashtë vendit pasi u përball me akuza për korrupsion dhe brenda pak ditësh iu konfiskua kompania “Makfa Group”, prodhuesi më i madh i makaronave në vend.
Oligarku Oleg Tinkov kritikoi "operacionin special ushtarak" në Ukrainë dhe u detyrua të shiste kompaninë e tij.
Alexandra Prokopenko, ish-këshilltare e Bankës së Rusisë dhe studiuese në Qendrën Carnegie Russia Eurasia në Berlin, tha se "Shpesh pas kapjes së një kompanie ka thjesht një oligark që dëshiron të marrë në dorë burimet dhe asgjë tjetër".
Grupet perëndimore mbahen peng
Nëse kjo mund të ndodhë me rusët, sigurisht qe mund të ndodhë edhe grupet perëndimore, të cilët në fakt e kanë bërë shumë të vështirë largimin.
Për të dalë nga situata, ata duhet të shesin me gjysmën e vlerës dhe të paguajnë një taksë të barabartë, me dekret, me 25% të xhiros së vitit të kaluar.
Për bankat kjo është e pamundur: Intesa Sanpaolo u përpoq dy herë të shiste aktivet e saj ruse, fillimisht Gazprombank dhe më pas menaxherëve lokalë, por u përball me veton e Kremlinit. Me institucionet e mëdha ruse nën sanksione, Putini kërkon që ato evropiane të mbeten në treg. Ata që u larguan në sektorë të tjerë e bënë këtë me një kosto të lartë.
Arsen Kanokov, ish-kreu i republikës Kaukaziane të Kabardino-Balkaria, mori mbi 850 restorante McDonald's me zero rubla. Dy pronarë të shitjes së makinave, Alexander Varshavsky dhe Kamo Avagumyan, blenë fabrikat Volksëagen dhe Hyunday të Koresë së Jugut për rreth dhjetë milionë euro, të cilat mbulonin një të tretën e prodhimit të makinave në të gjithë Rusinë.
Putin dëshiron të tregojë se Rusia gjithashtu mund të vendosë sanksione, përtej bllokimit të gazsjellësve. Konfiskimi i Fortum-it dhe Uniper-it erdhi pas një vendimi nga një gjykatë e Leipzig-ut, e cila në mënyrë efektive vendos nën mbrojtje asetet gjermane të Rosneft.
Dhe më pas ka gjithmonë besnikët për të shpërblyer: filiali Danone, nën shpronësim, përfundoi me një aleat të ngushtë të kreut të Republikës Çeçene, Ramzan Kadyrov.
Sepse në thelb sistemi i pushtetit në Rusi është i tillë: gjysmë politikë e jashtme dhe gjysmë luftë me bandat; gjysmë ideologji perandorake, gjysmë mentalitet mafioz sipas të cilit mbijetojnë dhe do të shpërblehen vetëm më të vendosurit dhe më të besuarit.
Tashmë “Ariston” do të përfundojë në duart e një njeriu si ky. Dhe nuk do të jetë gllabërimi i fundit./ Përshtati: "Pamfleti", Nga: "Corriere Della Serra"
Lini një Përgjigje