FLASH
Shkruar nga Pamfleti
Një konflikt mes disa vajzave ka ndodhur në afërsi të një lokali në bulevard “Republika” në Korçë. Mësohet se sherri ka degraduar deri në përdorimin e shisheve të qelqit.
E dëmtuar ka mbetur shtetasja me inicialet P.M., e njohur si njëra nga vajzat që denigronte minorenet duke publikuar materiale të turpshme në një faqe Instagrami.
Vajza e cila ka mbetur e dëmtuar, është dërguar në spitalin e Korçës për mjekim. Policia ka shoqëruar në komisariat vajzat e tjera, për të sqaruar rrethanat e ngjarjes.
Nuk dihen ende rrethanat por dyshohet që shkak të jetë bërë pikërisht faqja e Instagramit që vajza e cila u plagos administronte bashkë me një shtetase tjetër dhe denigronin vajzat e djemtë minorenë në juglindje.
Sipas policisë, janë shoqëruar në polici 2 vajza dhe 1 djalë.
Lini një Përgjigje