FLASH
Shkruar nga Pamfleti
Një punonjës humbi jetën një ditë më parë gjatë punës në një firmë përpunimi të duraluminit.
Dyshohet se 50-vjeçari u dëmtua nga një makineri. Sipas policisë lidhur me këtë ngjarje janë arrestuar dy persona 47 dhe 52 vjeç, përgjegjës për sigurinë në firmë.
Dy përgjegjësit e sigurisë akuzohen për 'shkelja e rregullave të mbrojtjes në punë'.
“Në vijim të informacionit të dhënë ditën e djeshme, për shtetasin D. N. që humbi jetën gjatë punës në një firmë për përpunimin e duraluminit, pasi dyshohet se u dëmtua nga një makineri, informojmë se specialistët për Hetimin e Krimeve të Komisariatit të Policisë Durrës, në vijim të veprimeve hetimore për këtë rast, arrestuan në flagrancë për veprën penale “Shkelja e rregullave të mbrojtjes në punë”, shtetasit L. H., 47 vjeç, banues në Durrës dhe G. A., 52 vjeç, banues në Tiranë, përgjegjës për sigurinë në këtë firmë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, njoftoi policia.
Lini një Përgjigje