FLASH
Shkruar nga Pamfleti
Një grup i trafikikut dhe shitjes së lëndëve narkotike, është goditur nga policia në Korçë. Mësohet se janë shoqëruar 8 persona që dyshohen si anëtare të grupit të shitjes dhe trafikut të kanabisit, dy prej të cilëve u arrestuan.
Nga kontrollet në banesat e të arrestuarve, janë sekuestruar para cash në vlerë të konsiderueshme dhe kanabis.
"Vijojnë kontrollet intensive të drejtorisë vendore të policisë Korçë për goditjen e rasteve të prodhimit dhe shitjes së lëndëve narkotike.
Sipas informacioneve të inteligjencës policore në bashkëpunim të ngushtë me Prokurorinë e rrethit gjyqësor Korçë, vazhdojnë kontrollet intensive për evidentimin dhe parandalimin këtij aktiviteti kriminal.
Nga informacionet e marra bëhet me dije se gjatë kontrolleve intensive ditore, mbrëmjen e djeshme janë shoqëruar një grup personash prej rreth 8 vetash, ku në përfundim të veprimeve hetimore është bërë e mundur arrestimi i dy persona, ku është kapur një sasi e konsiderueshme lëndë narkotike canabiss sativa.
Gjatë mbrëmjes së djeshme janë kryer kontrolle në mjete dhe banesa, është sekuestruar lënda narkotike e dyshuar canabiss, vlera monetare të konsiderueshme dhe automjete në përdorim të personave të arrestuar. Nga ana e Drejtorisë Vendore të Policisë Korçë vijon puna për kapjen e personave që kryejnë veprën penale të prodhimit dhe shitjes së lëndëve narkotike", njofton policia.
Lini një Përgjigje