FLASH
Shkruar nga Pamfleti
Policia e Tiranës ka reaguar me një njoftim zyrtar lidhur me alarmin për vendosjen e një sasie eksplozivi në parkingun e hotel Plaza në qendër të Tiranës.
Policia thotë se është njoftuar nga një pjesëtare e stafit të hotelit, pas një telefonate që ajo kishte marrë për sasinë e eksplozivit.
Policia ka evakuar stafin dhe klientët e hotelit, ndërsa ka nisur kontrollet, duke përfshirë në to edhe forcat xheniere. Ndërkohë nga pamjet që qarkullojnë në rrjet, duket se klientëve nuk i ëhstë lënë kohë as të vishen. Një nga turistët ka dalë në mjediset e jashtme me robdeshamë.
Evakuohen klientët e hotelit në Tiranë pas alarmit për bombë pic.twitter.com/JYtapxW5Yg
— Euronews Albania (@EuronewsAlbania) May 30, 2025
Njoftimi i policisë
“Rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën “Abdi Toptani”, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli.
Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit. Gjithashtu janë njoftuar forca xheniere për kontrollin dhe verifikimin e informacionit.
Në përfundim të kontrollit dhe veprimeve hetimore do të keni një informacion me të detajuar për rastin”, thuhet në njoftimin e policisë.
Lini një Përgjigje