FLASH
Shkruar nga Pamfleti
Një 22-vjeçar u arrestua në Shëngjin pasi u kap me doza kanabisi në makinë dhe në banesën e tij. I riu, që udhëtonte me një tjetër person, dyshohet se po shpërndante lëndën narkotike. Gjatë kontrollit në banesat e të dyve, policia gjeti gjithashtu një armë gjahu, municion dhe pajisje komunikimi.
"Si rezultat i kontrolleve të pandërprera për parandalimin dhe goditjen e veprimtarive kriminale, specialistët për Hetimin e Narkotikëve të DVP Lezhë, , kanë ndaluar në Shëngjin, për kontroll, një automjet me të cilin qarkullonin 2 shtetas.
Gjatë kontrollit në automjetin me drejtues shtetasin Flavio Gropaj dhe pasagjer shtetasin S. I., shërbimet e Policisë gjetën disa doza të lëndës së dyshuar narkotike kanabis, që dyshohet se i posedonte shtetasi Flavio Gropaj, me qëllim shitjen. Në vijim të veprimeve, gjatë kontrollit në banesën e shtetasit Flavio Gropaj u gjetën doza të tjera të lëndës së dyshuar narkotike kanabis, ndërsa gjatë kontrollit në banesën e shtetasit F. I. u gjetën 1 armë gjahu, municion luftarak dhe 2 radio marrëse-dhënëse.
Në përfundim të veprimeve, specialistët për Hetimin e Narkotikëve arrestuan në flagrancë shtetasin Flavio Gropaj 22 vjeç, banues në Velipojë, dhe referuan materialet në Prokurori ku nisi procedimi në gjendje të lirë për shtetasin S. I., 30 vjeç, banues në Velipojë", njofton policia.
Lini një Përgjigje