FLASH
Shkruar nga Pamfleti
Policia e Tiranës ka reaguar lidhur me sherrin e ndodhur mes efektivëve të forcave “Shqiponja” mesditën e kësaj të diele në Laprakë.
Sipas policisë mësohet se ngjarja ka ndodhur në rrugën “Lord Bajron”, në Laprakë, rreth orës 12:30, ku shërbimet e Forcës së Posaçme “Shqiponja”, kanë konstatuar dy shtetas duke debatuar me njëri-tjetrin, ku njëri prej të cilëve mbante një çantë, në dukje me një send në formën e armës së zjarrit.
Shërbimet e Policisë janë afruar dhe kanë kërkuar nga dy shtetasit që të identifikoheshin, por dy personat kanë refuzuar të përgjigjen, duke kundërshtuar me fjalë dhe fizikisht punonjësit e Policisë.
Pas verifikimeve të kryera ka rezultuar se shtetasi R. M është punonjës i forcave të policisë “Shqiponja” në Vlorë.
AMP është duke kryer veprimet e mëtejshme lidhur me rastin.
“Më datë 24.09.2023, në rrugën "Lord Bajron", në Laprakë, rreth orës 12:30, shërbimet e Forcës së Posaçme "Shqiponja", kanë konstatuar dy shtetas duke debatuar me njëri-tjetrin, dhe njëri prej të cilëve mbante një çantë, në dukje me një send në formën e armës së zjarrit.
Shërbimet e Policisë janë afruar dhe kanë kërkuar nga dy shtetasit që të identifikoheshin, por dy personat kanë refuzuar të përgjigjen, dhe kanë kundërshtuar me fjalë dhe fizikisht punonjësit e Policisë.
Ndodhur në këto rrethana, shërbimet e Policisë kanë kërkuar mbështetje dhe më pas është bërë shoqërimi i tyre në komisariat. Pas verifikimeve të kryera ka rezultuar se shtetasit quhen L. M., dhe R. M., (shtetasi R. M. është punonjës Policie në DVP Vlorë).
Për ndjekjen e mëtejshme të këtij rasti është duke kryer veprime AMP”, njoftoi policia.
Lini një Përgjigje