FLASH
Shkruar nga Pamfleti
46-vjeçari akuzohet si i implikuar edhe më parë për të njëjtin aktivitet kriminal.
Policia ka arrestuar një 46-vjeçar në Tiranë, pasi akuzohet se furnizonte grupe kriminale me armë zjarri. Altin Celami dyshohet se përdorte taksinë e tij për të transportuar armët dhe municionin luftarak, që të shmangte kontrollet policore.
Gjatë kontrollit fizik, të automjetit dhe banesës, policia sekuestroi 4 armë zjarri pistoletë, municion luftarak, lëndë narkotike kokainë dhe pjesë të ndryshme armësh. Policia gjeti gjithashtu edhe lëndë narkotike kokainë.
Celami, ushtaraku 43-vjeçar më herët është vënë në pranga në kuadër të operacionit ‘Porositësi’. Ai u siguronte armë grupit të vrasësve me pagesë, ndaj edhe është pezulluar nga funksionet ushtarake.
Celami ishte ushtarak në repartin e Pezë Helmës në Tiranë. Ai akuzohet për veprën penale “Mbajtja pa leje dhe prodhimi i armëve, armëve shpërthyese dhe i municioneve”.
"Finalizohet nga Komisariati i Policisë Nr. 4 në bashkëpunim me Seksionin e Trafiqeve, operacioni policor i koduar “Gun Expert”, i ndjekur me metoda speciale hetimi.
Sekuestrohen 4 armë zjarri pistoletë, municion luftarak, lëndë narkotike kokainë dhe pjesë të ndryshme armësh.
Furnizonte grupe kriminale me armë zjarri, vihet në pranga 46-vjeçari që përdorte taksinë e tij për të shmangur kontrollet policore.
46-vjeçari i implikuar edhe më parë për të njëjtin aktivitet kriminal.
Komisariati i Policisë Nr. 4 në bashkëpunim me Seksionin e Trafiqeve të DVP Tiranë, nën drejtimin e Prokurorisë së Tiranës, si rezultat i një hetimi të ndjekur me metoda speciale, finalizoi operacionin policor të koduar “Gun Expert”.
Në kuadër të operacionit u arrestua në flagrancë, në Rrugën e Dibrës, shtetasi A. C., 46 vjeç, banues në Tiranë, teksa drejtonte automjetin tip taksi.
Gjatë kontrollit fizik, të automjetit dhe të banesës, iu gjetën 4 armë zjarri pistoletë me municion luftarak, të cilat nga hetimet dyshohet se do t’iu shiteshin grupeve kriminale, lëndë narkotike kokainë dhe pjesë të ndryshme arme të cilat u sekuestruan në cilësinë e provës materiale sëbashku me automjetin.
Punohet për identifikimin e personave të tjerë të përfshirë në këtë veprimtari kriminale.
Materialet procedurale iu referuan Prokurorisë së Tiranës, për veprat penale “Mbajtja pa leje dhe prodhimi i arëve, armëve shpërthyese dhe municionit” dhe “Prodhimi dhe Shitja e Narkotikeve”, njoftoi policia.
Bravo,por gjate kontrollit dhe prekjes se materjaleve te paligjeshme policia duhet te perdore doreza per te evituar lenien e gjurmeve daktiloskopike.