FLASH
Shkruar nga Pamfleti
Një 28-vjeçar është arrestuar nga policia pasi ishte shpallur në kërkim. I riu Hashim Lama ishte dënuar nga GJKKO me 5 vjet e 4 muaj burgim, pasi akuzohej si anëtar i një grupi kriminal që kultivonte bimë narkotike.
Ai u arrestua në Fushë-Milot, gjatë operacionit të koduar “Kurbini”. Ndaj tij rëndojnë akuzat për veprat penale “Grupi i strukturuar kriminal” dhe “Kultivimi i bimëve narkotike”.
“Shërbimet e Komisariatit të Policisë Kurbin, në bashkëpunim me Forcën Kombëtare të Sigurisë, Njësia Tiranë, bazuar në informacionet e siguruara për vendndodhjen e një shtetasi në kërkim, kanë organizuar dhe finalizuar operacionin policor të koduar “Kurbini”.
Gjatë operacionit u kap në Fushë Milot, Kurbin, dhe u vu në pranga shtetasi:
Hashim Lama, 28 vjeç, banues në Milot, Kurbin.
Ky shtetas ishte shpallur në kërkim, pasi Gjykata e Shkallës së Parë për Korrupsionin dhe Krimin e Organizuar e ka dënuar me 5 vjet e 4 muaj burgim, për veprat penale “Grupi i strukturuar kriminal” dhe “Kultivimi i bimëve narkotike”, kryer në formën e grupit të strukturuar kriminal”, njoftoi policia.
Lini një Përgjigje