FLASH
Shkruar nga Pamfleti
Kreu i SPAK, Altin Dumani, duke folur për punën e Prokurorisë së Posaçme, tha se në të gjitha rastet janë respektuar procedurat.
Dumani, në një intervistë për emisionin ‘Trialog’, tha se qoftë në rastet e kontrollit të banesave apo sekuestrimit të telefonave, janë respektuar procedurat sa i takon mjeteve të kërkimit të provës. Madje kreu i SPAK tha se në të gjitha rastet me përjashtim të një vendimi të Gjykatës Kushtetuese, gjykatat kanë legjitimuar veprimet e SPAK.
“Prokurorët e Posaçëm përpiqen që të respektojnë procedurat sa i takon mjeteve të kërkimit të provës, sikundër është kontrolli banesës apo ai personal, dhe përmes kontrollit synohet sekuestrimi i sendeve, që konsiderohen provë materiale. Ne nuk kemi pasur ndonjë vendim që të na vërtetojë kundërligjshmërinë e veprimeve tona”, tha Dumani.
Lini një Përgjigje