Shkruar nga Pamfleti
Detaje të reja kanë dalë në dritë nga mbytja e një të riu te “Ura e Zogut” në Milot, ndërsa është bërë i mundur edhe identifikimi i viktimës.
Mësohet se viktima është një 22-vjeçar i identifikuar si Valentin Nikolli nga Fushë-Miloti.
Sipas dëshmitarëve në vendin e ngjarjes kanë qenë tre të rinj duke zënë peshk, ndërsa 22-vjeçari është futur për t’u larë dhe e ka marrë rrjedha e lumit. Shokët e viktimës e kanë parë për disa minuta dhe më pas u ka humbur.
Raportohet se kanë qenë dy shokët e tij, të cilët kanë lajmëruar policinë.
Forca të shumta policie dhe ambulanca ndodhen në vendin e ngjarjes, ndërsa pritet mbërritja e polumbarëve për të nxjerrë trupin e pajetë.
