FLASH
Shkruar nga Pamfleti
Një 38-vjeçar është arrestuar nga policia e Durrësit, pasi organizonte lojëra fati në lokalin e tij në lagjen nr.11.
Ndërkohë, në gjendje të lirë do të hetohen edhe tre klientë të cilët u kapën në flagrancë duke vendosur baste sportive. Si provë materiale, policia ka sekuestruar 4 celularë.
“Si rezultat i kontrollit të kryer në bazë të informacioneve të siguruara në rrugë operative, në një lokal në lagjen nr. 11, ku dyshohet se viheshin baste sportive, me celularë, specialistët për Hetimin e Krimeve Ekonomiko-Financiare, në bashkëpunim me shërbimet e Komisariatit të Policisë Durrës:
-arrestuan në flagrancë shtetasin G. H., 38 vjeç, banues në Durrës;
-referuan materialet në Prokurori, ku nisi procedimi në gjendje të lirë për shtetasit B. M., 54 vjeç, D. Z., 47 vjeç dhe M. T., 44 vjeç të tre banues në Durrës. Në lokalin e 38-vjeçarit, 3 të proceduarit u kapën duke vënë baste sportive, me celularë”, njoftoi policia.
Materialet procedurale iu referuan Prokurorisë së Durrësit, për veprime të mëtejshme.
Lini një Përgjigje