FLASH
Shkruar nga Pamfleti
Policia e Vlorës ka zhvilluar mbrëmjen e sotme një aksion të befasishëm në hyrje të qytetit, me fokus kontrollin e automjeteve të dyshimta dhe verifikimin e personave që qarkullonin në këtë segment.
Operacioni është përqendruar në hyrjen e qytetit, në aksin rrugor që lidh autostradën Fier–Vlorë me Vlorën. Gjatë aksionit janë ndaluar dhe kontrolluar automjete të ndryshme, ndërsa drejtuesit e mjeteve janë verifikuar nga efektivët në terren.
Në operacion kanë marrë pjesë Forcat e Posaçme “Shqiponja”, patrullat e rendit dhe Policia Rrugore, të cilat kanë ushtruar kontrolle të imtësishme ndaj mjeteve dhe personave brenda tyre.
Sipas burimeve nga vendngjarja, aksioni ka si objektiv kapjen e personave të shpallur në kërkim, si dhe parandalimin e mbajtjes së sendeve të paligjshme, përfshirë armë apo lëndë të ndaluara.
Aktualisht nuk ka një njoftim zyrtar nga Policia e Vlorës lidhur me rezultatet e operacionit apo nëse ka persona të ndaluar.
Lini një Përgjigje